*أكبر مكتبة نكت فى العالم*
***********************
بصوا بأه عشان النكت دى انا اكيد مش مألفها اخدت شوية من كل حتة ونظمتهم شوية
ف ماحدش يقولى فى نكتة بايخة عشان انا نفسى مش حافظ كل اللى فيها
اوك .....
بس تكتب أى واحدة عجبتك
وانهى واحدة أستغلستها
اوك
================================================== ==========
واحد بخيل واقف فى البلكونه ؟
ابنه جاى من بعيد يقول ...
بابا بابا بابا
رد عليه ابوه و قاله :
يا ابن الكلب بابا واحده كفايه
===============================
واحد بخيل قال لولاده ؟
اللى هينجح فيكوا السنه دى
هوريلوا عربيه الايس كريم
===============================
واحده بخيله قالت لابنها ...
روح اشترى 3 سندوتشات
واحد ليا و احد ليك و واحد لابوك
ف الواد نزل
طلعت الام تجرى تقف فى البلكونه وتقوله
انت يا ولا هات 2 بس
علشان ابوك مات
===============================
واحد بخيل جه يموت كتب فى وصيته
" انا ت محدش يغسلنى "
===============================
واحد بخيل راح مع ابنه السوبر ماركت..
الواد جاب بسكوت وشكولاته و شيبسى
ابوه بيقوله ايه ده يا واد
قاله بحبحه يا بابا بحبه
قاله خلاص بوسه ورجعه ؟!
===============================
مره واحد بخيل وهوه بيموت قاعد يقول ؟.....
فين احمد ؟ قاله انا هنا يا بابا
قال امال فين محمود ؟ قاله انا هنا يا بابا
قالهم انتوا هنا و سايبين نور السفره مفتوح
===============================
بخيل اتجوز بخيله
خلفوا بنت سموها ..
حصاله
===============================
واحد بخيل جاب 3 تفاحات
فتح اول واحده لاقاها معفنه
رماها
فتح تانى واحده لاقاها معفنه
رماها
قام طافى النور
وكل التالته
===============================
واحد بخيل راح للدكتور....
قام الدكتور قاله خد من الدواء ده 4 معالق كل يوم
قام البخيل قاله بس انا يا دكتور معنديش غير
ملعقتين بس ! اعمل ايه ؟
===============================
مره اتنين بخله قوى
كانوا فى الميه
اتراهنوا على اللى يقعد اكتر مده غطسان فى الميه
الخسران يعزم الكسبان على العشاء
محدش طلع فيهم لغايه دلوقتى
لسه بيدوروا عليهم
===============================
مره واحد بخيل وقع فى حفره......
الناس قاعدين يحاولوا يطلعوه مش راضى
يقولولو هات ايديك ولا هوه معبر
فجه واحد بيقولهم فى ايه يا رجاله
قالوله الراجل ده وقع فى الحفره و مش راضى يطلع
قالهم ليه ؟...
انتوا قولتولوا ايه ؟...
قالوله قولنا له هات ايديك..
قالهم طيب استنوا
وراح للبخيل و قاله خد ايدى...
قام طالع البخيل على طول
===============================
واحد بخيل راكب تاكسى..
فسواق التاكسى وهوه سايقه العربيه مكنش فيها فرامل
فجرت منه .....
فقعد يقول مش عارف اوقف العربيه
اعمل ايه ؟ الحقونا
قام رد عليه البخيل و قاله ؟.......
وقف العداد الاول
=====================================
كان في مره قردين واحد حظه حلو والتاني حظه وحش
ابو حظ حلو قال "تعالي نسرقة موز من المزرعة"
فطلع القرد اللي حظة حلو فوق الشجره وابو حظ وحش تحت،
صاحب المزرع وصل ومسك اللي تحت وضربه،
كل مره تتكرر الحكاية ده يتمسك ابو حظ وحش،
فقال ابو حظ حلو:- "خلاص تعالي نسرق وانا ابقي تحت وانت تبقي فوق"
وصل اولاد صاحب المزرعة عشان يمسكوا اللي تحت
قال لهم "لأ ده اضرب كفاية امسكو اللي فوق"
=====================================
طلع مجموعة صيادين يصطادوا وكل ما يصطادوا حاجه كلابهم تجري تجيب الفريسه
ما عدا كلب واحد بيخاف من صوت الرصاص
فقالوا لصاحبه:- خده الافراح اللي بيحصل فيها ضرب نار كتير عشان يتعود على الرصاص
وبعد ما اخده لمدة 6 شهور رجع يصطاد تاني
ولما اصطاد الفريسه الكلب قعد يزغرط
=====================================
س/ ليه النمله مابتخدش الفيل قدامها على العجله ؟؟؟
ج/ علشان بيلعب فى الجرس
رخمه صح
=====================================
فار وخطيبته ماشيين,
شاف الفيل فحب يعمل منظر قدامها,
فقعد ينده علي الفيل ويقوله:- "خد يا فيل انت أيوة انت يا عجل"
وقعد يهزء فيه
تاني يوم راح للفيل وقاله:- "معلش سامحني انا كنت بعمل منظر قدام خطيبتي وهطلع أبوس دماغك"
وهو فوق دماغه لقي خطبيبته معدية
قاله:-" يعني أكسرلك دماغك دلوقتي"
=====================================
مره صرصار طلع من الخلاط قال يخرب بيت إللى يدخل الملاهى تانى
=====================================
تلاتة صقور أغبية اتراهنوا على اللى يصطاد أكبر حاجة،
الأول راح وجه وفى منقاره حبة دم قالهم:- شايفين الجبل الى هناك ده قالوا له:- أيوه
قال:- قتلت وراه غزال
والتانى راح وجه وفى منقاره حبة دم كتير قالهم :- شايفين الشجرة الى هناك دى قالوا له:- أه
قالهم :- قتلت وراها نمر
والتالت راح وجه وكله دم فى دم وقالهم :- شايفين العمود الى هناك ده قالوا له :- اه
قالهم :- أنا ما شفتوش
=====================================
مره الأسد قال نكتة كل الحيوانات ضحكت إلا الحمار جيه تاني يوم لقوه بيضحك
سألوه :- بتضحك ليه؟
قال لهم :- أصلي فهمت النكتة
=====================================
نملة بتحب نملة بتقول لها تقبلى تتجوزينى وافقت بس بشرط تكتب البلاعة باسمها
=====================================
خروف بيسأل خروف :- عدى عليك عيدين ومادبحوكش ليه؟
قال له :- أصلي مسجل نفسي في شهادة الميلاد حمار
=====================================
س/ كلب جاله ذبحة صدرية ليــــــــــه؟؟؟
ج/ بيهوهو على واحد أطرش
=====================================
$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$ $$$$$$$$$$$$$$$$$$$$$$$$$$$$$$$$
**********************************
* شات بين أبو لهب مع أبوجهل * لقاء بين ابا جهل وابا لهب عبر الماسنجر....
*********************************
$ ابا جهل :- مرحباً يا ابا لهب ......
$ ابا لهب :- عمت مساءا يا ابا جهل .. كيف حالك هذا المساء ؟
$ ابا جهل :- اين انت يا ابا لهب لا اراك في "شات عكرمــة" هذه الايام ؟!!!
$ ابا لهب :- انا لم ابرح خيمتي منذ ايام يا صاح ..
$ ابا جهل :- ولماذا ؟
$ ابا لهب :- تباً لكمبيوتري دخله فيروس من النوع الحبشي وضرب اللوحة الام مع اني وضعت له مقاوم للفيروسات الحبشية ..
ولكن تبا لهذا المقاوم ... فقمت بتغيرها من عند وكالة (( مسيلمة الكذاب )) ...
$ ابا جهل :- لو اعلمتني لكنت اتيت معك لانني اعرفه فهو من رجال عشيرتنا .
$ ابا لهب :- ولكن قل لي .. هل سأل عني أحد في " دار عكاظ كوفي نت " ؟
$ ابا جهل :- ثكلتك امك ...ان لك شعبيه كبيره يا ابا لهب . ..سألت عنك عبسه بنت جرير .. وجدناها اتت ببعيرها وتقول بانها قلقه عليك لانك لم تفتح "الماسنجر " منذ اسبوعين
$ ابا لهب :- عبسه بنت جرير تلك الفتاه الشمطاء ..تباً لها ..انني اكرهها ..
قل لهم سأكون " اون لاين "..بعد ما انتهي من الورشة لان بها فرسي واعمل لها ( التشييك ) .. وغيار الزيوت ..
و كيف حال ابنك جهل يا ابا جهل ؟
$ ابا جهل :- اااه يا ابا لهب أكاد أجن منه , البارحة اخذ فرسي خلسة و راح يشفط فيه . .. كاد ان يرتكب حادث فظيع ... و لكن ماذا سنفعل انه مجرد ولد طائش .. وانت ما اخبار لهب معك ؟
$ ابا لهب :- لقد ارسلته الى الجيش لكي يؤدي الخدمه الالزامية و ووضعنا له واسطة لكي يكون بالقرب من
مضاربنا ... و اختصاصه الرماح طويلة المدى .
$ ابا جهل :- حسناً حسناً يا صديقي .. استاذنك لاني سأذهب لأرد على بعض المواضيع في منتديات ((قريش
دوت كوم ... ))
$ ابا لهب :- تشاو يا ابا جهل ...
$ ابا جهل :- باي
$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$ $$$$$$$$$$$$$$$$$$$$$$$$$$$$$$$$
اتنين صعايدة بيلعبوا شطرنج
الأول: هـــــــا موتلك الحصان
الثانى : ( خرج وجالة بعد ساعة ) هـــا سممتلك البهايم
----------------------------------
واحد بيسأل خطيبته : حد قبلى لمسك ؟ سكتت
قالها : زعلتى
قالت له : لأ بأعدهم
---------------------------------
التلميذ : بحبك يا أبله و عاوز أجوزك...
المدرسه: بس أنا مبحبش الأولاد الصغيرين...
التلميذ: وأنا مش مستعجل على الأولاد
---------------------------------
مرة حمار بيقول لخطبتة احنا هنتجوز امتى يا حمارة
قلتلة لما تحسن الفاظك شوية يا حيوان
---------------------------------
مره واحد بارد قوى ركب اتوبيس شاف بنت حلوه قعده يبصلها بصتله غمزلها غمزتله راح مقرب منها و قال ننزل المحطه الجايه هى نزلت و هو اعد على الكرسى
--------------------------------
واحد عنده مزرعة فراخ.. دخل المزرعة لقي كل فرخة بايضة بيضة واحدة بس..
مسك فرخة من رجليها ونتف ريشها وقطعها..
وقال للفراخ :- اللي مش هتجيب بكرة خمس بيضات هقطعها زي الفرخة دي
.. تاني يوم لقي كل الفراخ بايضة خمس بيضات ماعدا فرخة بايضة تلات بيضات بس..
فقاللها :- ايه ده؟؟
قالت له :- استر عليا ده انا ديــــــــــــــــــــــك
-------------------------------
كان فى واحد صعيدى جايب لابنه عربيه فا ابنه راح و قاله يا بابا انا رخصت عربيتى خلصت ابوه قاله يا فالح مانت داير تلف بيها طول النهار
-------------------------------
ايه أسرع ثلاث وسائل للاتصالات؟
Telephone
Television
Tell -a- Woman
------------------------------
ندل مر على مقبرة شغل المسجل وحط أغنية الحياة حلوه
------------------------------
واحد أحول راح يجيب أبوه من المطار باس الشنطة وشال أبوه
-----------------------------
إثنين ساكنين في خيمة ونايمين على ظهورهم بالليل .
شاف الأول السما وقال للثاني : شايف إية؟
قال: شايف النجوم.
قال الأول :وده معناه ايه ؟
قال: إن في مجرات وكواكب غيرنا في الكون
قال الأول : دة معناه ان الخيمة اتسرقت يا حيوان .
--------------------------------
واحد بلديتنا قال لمراته نكتة وبعد النكتة.
مراتة : هى هى هى بايخة
بلدياتنا : هى هى هى انتى طالق
---------------------------------
مرة واحد احول جه يعيط رجع
---------------------------------
الاستاذ : ما معنى كلمة ( سبيل ) ؟
الطالب : طريق .
الاستاذ : ممتاز – والآن ما معنى كلمة ( سلسبيل ) ؟
الطالب : طرطريق
--------------------------------
سأل أستاذ تلميذه: ما اسم الحيوان الذي تصحو على صوته كل صباح؟
أجاب: بابا
-------------------------------
واحد من الجماعة المهمين سأل الاخ بوش في الخباثه : إنت ليه متأكد إن في نووي في العراق؟
!!! بوش : لأن معايا الوصل اللي أبويا باعهلهم بيه
-------------------------------
دبانة وقعت فى ازازة وسكى طلعت تقول وسع للنسر
==========================
فيل على علاقة بنمله قرر فجأه ينهى العلاقه فقالت النمله وهى تترجاه ارحمنى و ارحم الفيل إلى فى بطنى
==========================
واحد عصبي اتجوز واحده عصبيه يوم الولاده... الولد بيقول للدكتور وسع إنت ...ابعد ...أنا خأنزل لوحدي
==========================
واحد مسطول بيسأل مراته هو لما بنفتح باب الحمام النور بينور قالت له لا قالها يبقى أنا عملتها فى الثلاجة
==========================
ٍس:بقولك ليه بنوا تلات أهرامات بس مش أربعة؟
ج:عشان الشلن يقضى...هههههههههههه
س:ليه أتاخروا فى بناء الاهرامات؟
ج:عشان كل ما يرصوا حجرين كان البوليس بيطب
==========================
س:بيقولك كان فيه حجر زيادة يعملوا فيه ايه؟
ج:يرموه....ههههههههههههه
==========================
س:بيقولك واحد عايم فى البحر غرق ليه؟
ج:عشان الحجر وقع على راسه...هههههههههههه
---------------------------------------------------------------------
واحد بلديتنا حب يعمل ارهابى.. خطف ابنه.. محدش سأل عليه قتله
---------------------------------------------------------------------
واحد أعمى فتّح ... من الفرحة اتشل
----------------------------------------------------------------------
مره واحد صحي من النوم و فطر
----------------------------------------------------------------------
أتنين أغبيا
واحد بيقول للتاني : لو عرفت أيه اللي في الكيس ده ... حديك منه سمكه
التاني قالله : البحر
----------------------------------------------------------------------
[] مرة واحد حب يطور الطيارة الهليكوبتر ركب بدل المروحة تكييف
==============================
مرة واحد حب........العصافير كلته
==============================
واحد مسطول رجع مع صاحبه البيت الفجر . مراته بصت من البلكونة.
وقالت : بقينا الفجر و لسه جاى , اطلع يا منيل"
. قال لها : اطلع فين ؟؟؟
انزلى شوفى جوزك مين فينا
==============================
مرة واحد لبّان ابنه دخل المدرسة... قعد اسبوعين وقطع
==============================
استاذ سال تلميذ الثعلب بيولد ولا بيبيض قاله ده مكار اتوقع منه اي حاجه
==============================
واحد اتزنق فى ربع جنيه.................. طلع من الخورم
==============================
مرة واحد راح السودان بالليل ملاش حد
==============================
مره اثنين حششين فواحد بيسال الثانى هو الحشيش حرام ولا حلال رد عليه الثانى وقله لو حلال ادينا بنشربه ولو حرام ادينا بنحرقه
==============================
واحد مهندس كمبيوتر راح للجزار قاله هات اربعة كيلو لحمة مفرمته .. بس قسمهم لي على تو بارتيشن-------
==============================
مره واحد بلديتنا طلع عليه الفجر قتله
==============================
واحد خش في موضوع كسره
==============================
مره واحد كان قاعد مع خطيبته علي النيل-------
قال لها شايفه القمر يا ليلي
وردت عليه بتقوله
شايفني عميه يا روح امك
==============================
مدرس تاريخ بيقول لطالب: ماذا تعرف عن كيلوبترا
قاله : السوبر ولا العادة
==============================
مرة واحد مسطول قبض مرتبة وقاعد بيقسم المرتب مية جنيه ايجار مية جنيه مصاريف وعشرين جنيه حشيش البوليس خبط علي الباب قطع العشرين جنيه بتاعت الحشيش
==============================
واحد مسطول سألوة عن ارأيو فى الزواج المبكر
رد قال : حوالى الساعه كم كدم؟
=============================
مرة مدرس جغرافيا ابنه تاه دور عليه فى الخريطة
=============================
واحد قابل صاحبه قاله امبارح كنت قاعد في البلكونة وقعت عليا بعكوكة
قاله يعني أيه بلكونة
=============================
عملو مسابقه لكشف الكدب جابو من المانيا واحد ومن الصين واحد ومن مصر جابو الصعيدي
وضعوا الالماني علي الجهاز قال : احنا فكرنا نعمل صاروخ حجمه قد الكرة الارضيه
الجهاز رن
وضعو الصيني علي الجهاز قال : احنا فكرنا نعمل دبابه نوويه
الجهاز رن
وضعوا الصعيدي علي الجهاز قال: احنا فكرنا
الجهاز رن
=============================
مرة واحد صعيدى بص فى المراية طلب اتنين شاى
=============================
مرة واحد عداه العيب خد اللي بعده
=============================
مرة واحد كتب على الحيطة معرفش يطلقها
=============================
ازاى تعرف تصطاد ارنب وانت معكش غير صخرة
.
.
.
.تقف ورى الصخرة وتقلد صوت الجزرة يقوم الأرنب جاى عليك امسكوا
=============================
يتبع
مرة واحد باكستاني قابل واحد باكستالت
=============================
مره واحد اتزنق في قرشين فعصوة
=============================
مره قرد شاف اشرة موزه على الأرض فقال يييه هاتزحلق تانى
=============================
مرة مدير شركة كدليز دخل السجن خرجوه بكفولة
=============================
مره ضابط في الجيش طلع على المعاش اخذ مكفاءة نهاية الخدمة اشرى بيها ارض و زرعها الغام
=============================
فرخه اتجوزت فيل، خللفوا ولد سموه تشيكن فيليه
=============================
مرة نملة دخلت تستحمى تاهت فى الليفة
=============================
واحد سكران فتح التلاجه وبص للجلي ..0لقاه بيرتعش
قاله : متخفش هاخد عصير
===============================
أتنين فراعنة بيحششوا في المعبد دخل عليهم الكاهن بتاع المعبد وقالهم ((أمون راع))
رد علية واحد منهم وقال : (( راع فين ياعم )) مهو قاعد جنبي أهوه
===============================
طفل اتولد و ظل 5 سنين لا يتكلم, اول كلمة قالها :خالي.... بعدها بيوم خاله مات
ومر اسبوع واتكلم الولد مرة ثانية و قال :اخويا ....بعدها بيوم اخوه مات
ومر اسبوع آخر والولد قال : بابا .....فكتب الاب وصيته بعدها بيوم
جارهم مات
================================
مرة واحد سكران قابل واحدة وحشة اوى ... فاول ما شافها قعد يضحك ويقولها انتى وحشة اوى
... قالتلة جرى اية يا سكران ... قالها طب انا هافوق بكرة
انتى بأه هتعملى اية؟
=================================
وحدة بتقول لجوزها يا راجل مش تقولي كلمة حلوة
قالها : يا قمر
قالت : لا كلمة تهزني
قالها : يا زلزال
قالت : يا راجل كلمة تحسسني اني مراتك
قالها : انتي طالق
=================================
مره اتوبيس لف في الصينيه ........ كسر الكوبيات
=================================
اتنين مساطيل الاول بيقول :هو القمر ماطلعش ليه؟
............التاني قالو :الغايب حجته معا
=================================
عشرة صعايدة بيلعبوا علي الطريق السريع
اللي العربية تخبطة مرتين يطلع برة
=================================
عشرة صعايدة بيغيروا لمبة قلاووظ
واحد مسك اللمبة و التسعة التانيين لفوا السقف
=================================
واحد صعيدي حب يعلم ابنه المشي
ربطه في القطر
=================================
ديك بيقول لفرخة إزاى سايباهم ياخدوا البيض بتاعك وساكتة؟
قالتلة مش أحسن منك بتأدن وما بصتليش؟
=================================
مر واحد أحول دخل الحمام ليف البانيو وطلع
=================================
شيخ قال لثلاثة من طلابه تعالوا أسمع لكم
فقال للأول : ما اسمك ؟؟
قال : يوسف
قال الشيخ : اقرأ سورة يوسف
وقال للثاني : ما اسمك ؟
قال : محمد
فقال الشيخ : سمع سورة محمد
فقال للتالت : ما أسمك؟
فقال : عمران و بيدلعونى بكوثر
=================================
واحد أحول عنده بنت حولة في يوم روح من الشغل وخبط على الباب ففتحتله بنته وقالتله : بابا انت جبت عمو قللها : خشي خشي انتي وأختك
=================================
غبيه حبت تفرح جوزها ليلة الـدخله ... قالت له أنــــــا حــــــامــل
=================================
واحد إتصل بمراتة قاللها : أنا كسبت المليون فى من سيربح المليون جهزى شنطتك بسرعة.
قالتله : أشيل معايا هدوم الشتا ولا الصيف.
قال لها : شيلى كل هدومك000000000 المهم ما أشوفكيش في البيت لما أرجع
--------------------------------------
واحد اسمه ( زعلان ) إتجوز واحده اسمها ( فرحه ) جابوا بنت سموها ( يا فرحه ماتمت)
-------------------------------------
واحد فلاح لقى مصباح علاء الدين أعد يحك فيه طلع له العفريت قاله : شبيك لبيك عبدك بين إديك
قاللة عايز مزرعه كبيـــــــــــــــــــــــــــــــــــــــــــــــ ـرة
قالله العفريت : يا عم روح هو لو كان عندى مزرعه كنت قعدت فى الزفت المصباح ده
------------------------------------
واحد أحول دخل الجيش حطوة فى سلاح القصف العشوائى
------------------------------------
واحد شحات رايح لعجلاتى يقلله : أعطنى مما أعطاك الله
العجلاتى قاله : خدلك لفة.
====================
مرة واحد محمل كتاكيت على عربية كرو فقابلة كشك مرور
فسأله الظابط : إيه إلى معاك ده
قال له : دى كتاكيت يا باشا
قاله الظابط : بتأكلهم إية؟
قاله : درة وعلف ياباشا
فضربة الظابط وقاله : أكلهم تورتة وجاتوة يامغفل
قاله : حاضر يا باشا
فقابله مرور ثان فسأله الظابط : بتأكل الكتاكيت إيه؟
قاله : تورتة وجاتوة ياباشا
فضربة الظابط وقاله : أكلهم درة وعلف يامغفل
قاله: حاضر يا باشا فقابلة مرور ثالث فساله الظابط : بتأكل الكتاكيت إيه؟
قاله : شوف ياباشا أنا بدى لكل واحد مصروفه وكل كتكوت يجيب إلى هو عايزة
=====================
مرة 2 بلدياتنا كانوا ماشيين فى الصحراء طلع عليهم اسد راح
واحد رمى عليه طوبه وقعد يجرى وبعدين بص وراه لقى زميله واقف ومبيجريش
فقاله : انتى مبتجريش ليه؟
قاله : واجرى ليه هو انا اللى ضربته؟؟!!!!!!
======================
اتنين محششين كانوا ماشين فى الصحرا
فواحد منهم بص فى السما.. وقال : شايف القمر جميل ازاى ؟؟؟؟
قام التانى قاله : بس دى الشمس مش القمر
قاله : لأ القمر
وقعدوا يتخانقوا فمر عليهم واحد محشش تانى فسألوه
فقالهم : انا اسف اصل انا مش من هنا
===========================
مرة واحد صعيدي دخل محل اجهزة كهربائية
و سأل البائع : سالخير بكام التلافزيون ديه لو سمحتم ؟
رد البائع : امشي ياله مبنبعش لصعايدة
فتغاظ جدا واصر ان هوا يشتري التلفزيون ده, وارتدي ثياب قاهرية ودخل نفس المحل
وقال : مساء الخير بكام التلفزيون ده لو سمحت
رد البائع : امشي يالة مبنبعش لصعايدة
كاد ان ينفجر من كتر الغيظ , فارتدي ثياب مرأة منقبة و دخل هوا هوا المحل
وسأل : السلام عليكم يا اخي كم تريد مقابل هذا التلفاز ؟
رد البائع : امشي ياله مبنبعش لصعايدة!!!
فاتغاظ اوي
وقال للبائع : انت كل مرة تعرفني إزاى
قاله : اصل دة مش تلفزيون دي غسالة
============================
واحد زكي قوي كان بيتفرج على عالم الحيوان فشاف الصيادين بيصطادوا الحيوانات
فقال : إشمعنا هما بيعملوا كده أنا كمان هعمل زيهم فراح باع حتة الأرض إللى حيلته و اشترى معدات الصيد و سافر لمجاهل إفريقيا
و بعد ما رجع أصحابه راحوا له وقالوا له: قول لنا عملت إيه هناك ؟!
فقال لهم: أول يوم إصطدت 30 غزالة و 70 أسد و 100 نوبليز
تاني يوم اصطدت 50 غزالة و 100 أسد و 200 نوبليز
تالت يوم الحيوانات خلصت من الغابة أمت اصطدت 300 نوبليز
فقال له أصحابه: إنت طول القعدة عمال تقول نوبليز ....نوبليز هو إيه النوبليز ده؟
فقال لهم: دى حاجة سودة بترفع إديها وبتقول نو بليز
==============================
مرة واحد صعيدى اشترى عمارة milk مراتة طلعت تلم القشدة من على السطح
==============================
مرة الصعايدة رفضوا انا يطلع عليهم نكت فبعدين رراحو للريس
قالوله: لازم تشفلنا حل للموضوع ده
قالهم : انا هسألكم سؤالين لو جاوبتوهم تبقوا ازكياء
س1_ مين اللى كسب ف معركة احد بين الكفار والمسلمين؟
قالوله : المسلين
قال لهم : لحـد كده كويــــــــــــــــــــــس
س2_مين اللى كسب ف ماتش الاهلى والزملك اللى فات؟
قالول له : الاهلى
قال لهم : تمام اوى
وخلاص كانو هيخدوا براءة من النكت طلع واحد
قال: معنى كدة ان الزملك هتلاعب الكفار على التالت والرابع
!!!!!!!!!!!!!!!!!!!!!!!!!!!!!!!!!!!!!!!!!!!!!! مفيش فايدة
=====================================
مرة واحد صعيدة قبل مايموت وصى ولادة وصية
قالهم : تعالوا يا ولادى ونادى على ابنة الكبير
قال له ؟ خد يابنى عود القصب ده واكسره.... فكسره
قال له : يابنى خد عودين القصب دول واكسرهم.... فكسرهم
قال له : خد3 اعواد القصب دول واكسرهم.... فكسرهم
قال له ؟خد 5 اعواد القصب دول واكسرهم.... فكسرهم
قال له : خد حزمة الصب دول واكسرهم ....كسرهم
قال لهم : يا ولادى طول ما معاكو البغل ده ما يتخفش عليكوووووووو
===========================
س/ ليه الصعيدي الصغير أذكي من الصعيدي الكبير .؟؟؟؟؟
ج/ لأنه مابقالوش كتير صعيدي.
============================
س/ كيف تعرف البواب الصعيدي ....؟؟؟؟؟
ج/ يقوم بتنظيف المصعد في كل دور
============================
س/ أية هو المكتوب علي قاع زجاجة المياه الغازيه في الصعيد؟؟؟؟
ج/ مكتوب : الفتح من الناحية الأخري.
============================
صعيدي لغي موعده مع الدكتور لأنة مريض
============================
واحد بلدياتنا عمل 2 إيميل، واحد دوت كوم للشتاء وواحد نص كوم للصيف
============================
بلدياتنا أول مرة يشوف واحد فلبيني قال يا بخته ده شبعان نوم
============================
س/ واحد بلدياتنا عازم صحابه على السطح ليه؟
ج/ أصدقاء سطحيين
============================
واحد بلدياتنا عنده ارق ومش عارف ينام....
قال له صاحبه : عندي لك طريقة للنوم مؤكدة....عد من واحد الى خمس ميه
بلدياتنا مكدبش خبر... وأول ما الدنيا ليلت
راح للسرير وبدأ يعد
.. واحد
.. اثنين
.. ولما وصـل الى ميه وتسعة وتسعين ...
جـاه النوم
… قـام غـسـل وشه ورجــع للـسـريـر يـكـمـل الـعـد
================
مره ولد كل يوم يروح السوبر ماركت يقول للبياع : عندك آيس كريم بالطماطم
البياع بيقوله : لأ
كل يوم بتتكرر معاه الحكايه دي
فقال لزوجته قالت قوله : آه
الولد سأله : عندك آيس كريم بالطماطم
البياع رد عليه : آه
رد الولد عليه : يــــــــــــــــــــــــــــــــــــــــع.
============================
واحدة ابنها تاه قالوا لها متخافيش لو حلال هيرجع قالت يا خرابي الواد رااااااااح
============================
واحد رخم اتجوز واحدة رخمة جه الدكتور يولدها
الواد قاله : .. اوعة انا هنزل لوحدى
============================
اثنين بيحششوا بجوار الاهرامات
واحد قال للثاني : انت عارف ليه القدماء المصريين قعدوا فترة طويلة يبنوا الهرم الاكبر
رد عليه الثاني وقال له :لأ ما اعرفش
قال له : علشان كل ما كانوا يرصوا حجرين تيجي عليهم كبسة .
************************************************** *********************
اتنين مساطيل لقوا بيضة
واحد قال بيضة فرخة و
التاني قال بيضة ديك
و بعدين جاء مسطول ثالث فسألوه
فقال : انتوا لأقيتوها فين
قالوا على شريط القطر
فقال : خلاص تبقى بيضة قطر .
************************************************** ***********************
في مره صعيدي قتل ابنه
فسألوه : ليه قتلت ابنك؟
فقال : عصفور في الجنة ولا حمار على الأرض
************************************************** ************************
مرة في ثلاثة
الماني وصعيدي وفرنسي
قالوا لهم : اللي بيقعد اكثر مدة عند البقر هو اللي فايز
دخل الالماني طلع وقال يخرب بيت ام البقر
دخل الفرنسي وقال يخرب بيت ام البقر
دخل الصعيدي وطلعت البقر وقالت يخرب بيت ام الصعيدي .
************************************************** ************************
مره واحد سكران كان ماشى بلليل فى الشارع و شايل شويه مسامير فى إيده فوقع على الارض مسمار من المسامير
فقال للمسمار: اطلع مكانك ..
واستنى شوية وقام قال له : بقى مش عاوز تتطلع
فرمى باقى المسامير على الارض
وقال: هاتـــــــــــــــــــــــــــــــــــــــــــــــ ــــــــــــــــــــوه.
************************************************** *************************
صعيدي مريض
سأله الدكتور :شو عندك قال عندي بقرة وحمار وغنمة.
************************************************** ****************
مرة كلب فقد الذاكرة ماشى فى الشارع
بيقول : صوصو...لا نونو....لا ....
=====================
واحد اخد ارنب علشان يبيعه فى السوق وهو رايح قابل واحد حشاش
قاله : تبيع القرد ده بكام يا كابتن ؟
رد عليه قاله : بس دا ارنب مش قرد !!!
قاله حد كلمك انا بسأل الارنب.
====================
واحد محشش ماشى فى الشارع قابل واحد عنده حسنه فوق عينه
قاله : ممكن سؤال يا كابتن؟
قاله : إيه؟....
قاله : دى عين ولا غين؟؟؟؟
======================
واحد مربي ارانب كل ما يجبلهم جزر ياكلوه فراح كسر سنانهم وراح جاب شوية جزر
فلما رجع ملقاش الجزر فمسك ارنب
وساله : فين الجزر فرد عليه وقله عملناه عصير ؟
===================================
لية بلديتنا بيلبس تي شيرت علية قطة ؟عشان الفار ميلعبش في عبة.
===================================
مرة مذيعة أتجوزت واحد شخصيته مهزوزة ... ركبتله أريال.
===================================
واحدة حامل فى ثلاث توائم يوم الولادة الدكتور
بيطلع العيل الأول لقاه نايم وساكت قعد يضربه على وشه حتى صرخ الطفل ركنه على جنب
وطلع الطفل الثانى لقاه زى أخوه قعد يضربه لما فاق وركنه
جه الدكتور يدور على الطفل الثالث مش لاقيه راح ماشى
وقال للممرضة : كملى لأنهم اثنين بس ......
الممرضة جت تكمل لقت الطفل الثالث طالع براسه بالراحة
وبيسألها : هو الراجل اللى بيضرب العيال مشى ولا لسه
==================================
اهبل سأل امريكية : اسمك ايه؟
ردت: فكتوريا براون ..... وانت؟
قال لها: لوكس كحلي .
==================================
مره واحد عاوز يفسح عروسته في شهر العسل فسحها في منحل.
==================================
سألـــوا جحا : عندك كام سنه؟
قالهم:40.
سالوه بعد10سنين :عندك كام سنه ؟
قالهم:40.
سالوه : إزاى بتقول ان عندك 40سنه وانت قلت كدة من عشر سنين؟
قالهم : اصل كلمة الراجل واحدة
==================================
مدرس عربى دخل الفصل قال : النهارده حصة املاء .... يا اولاد اكتبوا ورايا
ذهب حسام الى المصيف يوم الاربعاء
راح ولد قام وقال : لو سمحت يا استاذ هو الاربعاء همزة على السطر ولاّ على الالف ؟؟؟
الاستاذ قاله : خلاص يا ابنى خليها الخميس
==================================
واحد كل ما يشوف متش كورة للفريق بتاعة . الفريق بتاعة يخسر .كل مرة على كدة . لحد ما فى يوم قرر انه ميتفرجش على كورة تانى . فكان فى يوم فى متش كورة للفريق بتاعة . و الفريق بتاعة جاب جون . جة يتفرج على الجون فى الاعادة الجون طلع كورنر
======================================
بطة راحت لبقال قالت له عندك سكر ؟؟
قال لها :لأ ..
راحت له تاني يوم قالت له : عندك سكر؟؟
قال لها : لأ ، وعارفه لو جتيني تاني حدق رجليكي المفلطحه في الأرض
راحت له تاني وقالت له : عندك مسامير؟؟
قال لها لأ : قالت له طب عندك سكر
======================================
ولد مغلّب مدرس الجغرافيا معاه....... ليه؟؟؟؟؟؟؟
عاوز يعرف خط الاستواء ده فودافون ولا موبينيل
======================================
بيقولوا لجحا : الحق يا جحا تعبان دخل غرفة مراتك ...
فقال لهم : سيبوه يستاهل
======================================
واحد يهودي قام من النوم الصبح وطلب من مراته تحضر الفطار
فقالت له : عايز تفطر إيه يا أبو كوهين
قال لها : هما بيضتين مسلوقين، واحده ليكي والتانية ليا
وإعمليهم لغاية ما أطلع على السطوح أظبط الإيريال.... وإوعي تنسي هما بيضتين
المهم طلع على السطوح إتزحلق ، وقع من عاشر دور، وهو بيقع زعق بعلو صوته
"بيضة واحدة بس يا أم كوهيــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــن "
======================================
كان فى مسابقة بين ثلاثة أشخاص , المسابقة كانت إنهم يعدوا البحر ويطلعوا الجبل و يقتلوا الغوريلا و يتجوزوا الأميرة ...
اول واحد غرق فى البحر ،
ثانى واحد عدا البحر لكن وقع من فوق الجبل
أما الثالث (كان غبى شوية) عدا البحر وطلع الجبل وقتل الأميرة ..... و أتجوز الغوريلا
======================================
مرة واحد بيقولوا له : مراتك ماشيه مع كهربائي المنطقه
قال لهم : ده ولا كهربائي ولا بيفهم حاجه في الكهربه !!!
======================================
مره واحد بلديتنا طوبه جت في صدره بص وراه
======================================
واحد بلدياتنا رجع من امريكا قاعد بيحكي لأبوه وأمه الحاجات الغريبة اللى شافها
دانا شفت هناك واحد وقع من فوق عمارة طويييلة.. قعد ثلاث ايام لحد ما وصل الأرض.
أمه سألته: و مات ؟؟
ابوه رد عليها : ثلاث أيام لا يأكل ولا يشرب
أكيد يموت
======================================
واحد بلدياتنا في مسابقة من سيربح المليون اتصل بصديق
وقال له : الو محمدين
معانا 30 ثانية رايك احذف اجابتين ولا استخدم الجمهور ؟؟
======================================
بلدياتنا ما بيعرفشى يعوم وقع فى البحر مات محروق
======================================
مرة واحد بلدياتنا عرف ان الجلد موضة مشى عريان
======================================
واحد بلديتنا كبر دماغه معرفش يخرجها من التيشرت
======================================
---------------------------------------------------------------------------------------------------------------------------------------------
في واحد كان ماشى على الطريق مرة ومعاه واحدة
فجأة شاف في المراية دورية ماشية وراه وبيشاوروله
وقف الرجل سيارته ونزل له الشرطي وسأل الرجل :- ايه المشكلة؟
الشرطي: أنت كنت مسرع فوق أل 160 كم في الساعة والطريق ده سرعته القصوى ما تتعداش
120 كم عشان اكده اناهديك مخالفة...
الرجل :- لا معليش أنا كنت متعدي أل 100 بشوية
زوجته :- لا أنت كنت ماشي على الأقل 160 ...
(قام أعطى الزوج زوجته نظرة حقد) ...
الشرطي : هديك مخالفة ثانية عشان الضوء الخلفي المكسور...
الرجل: مكسور؟؟
انا ماكنتش واخد بالى انه مكسور ..
الزوجة: أووووه أنت كنت عارف عن اللمبة أنها مكسورة من كم أسبوع...
( وأعطاها زوجها نظرة حقد ثانية)
الشرطي: هديك كمان ورقة انذار عن عدم ربط حزام الأمان...
الرجل: إيه أنا فكيته لما وقفت السيارة وجيت عندنا ...
الزوجة:لا....
الا أنت أصلاً ما عمرك ربطت حزام الأمان ...
التفت الزوج الى زوجته وزعقلها : أنت ماتعرفيش تسكتي أبداً؟؟؟؟
سأل الشرطي الزوجة: لو سمحتي هو على طول بيزعقلك كده؟؟؟
الزوجة: لا بس لما يكون هو سكران ....
قال الشرطي : سكران!!!
قال الرجل : لا لا تصدقها ...
قالت الست ما عليك منه ده احنا لقينا القزازة في العربية يوم ما سرقناها ...
قال الشرطي:يعني
العربية مسروقة !!!
قال الرجل:مسروقه ؟؟؟؟؟
ربنا يهديك ياباشا ماتاخدش على كلامها....وبص لمراته وقالها ماتخلينيش اطلقك بقى....
قال الشرطي للست: هو على طول كده بيهددك بالطلاق؟؟؟؟ده الطلاق ابغض الحلال عند الله....
قالت الست: مش لما الاول يبقى يتجوزنى وبعدين يبقى يتكلم عن الطلاق والحلال والحرام......
================================================== =====
واحد بلديتنا اتعزم على حفلة تنكرية بعت اخوه
واحد غبي ابوه مات سفره يتعالج بره
================================================== ======
سواق ماشى ع الطريق واحد لابس احمر فى احمر شاور له فوقف
السواق و قاله انت مين و عايز اية قالة انا الفرفور الاحمر و عايز
توصلنى فقالة لا مبوصلش فرافير و مشى و سابة شوية لقى واحد لابس اصفر فى
اصفر و بيشاورلة فوقف و قالة انت مين و عايز اية قالة انا الفرفور
الاصفر و عايزك توصلنى فقالة لا مبركبش فرافير و مشى و سابة شوية و
قابلة واحد لابس اخضر فى اخضر عمل معاة نفس الحكاية ف السواق سابة و مشى
شو ية كمان كدة و لقى واحد لابس ابيض فى ابيض بيشاورلة ف السواق وقف و
قالة يا ترى انت بقى الفرفور الابيض فقالة الراجل فرفور اية رخصك يا روح امك
================================================== ======
واحد ندل فتح مصنع بيبسي كتب على كل علبة : رج جيدا قبل الفتح
================================================== ======
بلدينا ماسك قنبله وعمال يحدفها من الإيد دى للايد دى ، قابله
واحد تانى قال له :يخرب بيتك ولما تنفجر فى وشك ، قاله : ماتخافش معايه غيرها
================================================== ======
طالب صعيدي خارج من الامتحان بعد عشر دقايق
-يابني انتا طالع ليه من غير ماتجاوب؟؟
ابويا جاللي لازم تطلع الاول
================================================== ======
مره واحد صعيدي دخل علي مراته لقاها نايمه مع واحد..راح قاله:هع..مابتخلفش
================================================== ======
مره اتنين صعايده دخلو كليه الطب..واحد طلع محامي و التاني مهندس
================================================== ======
واحد معدى لقى ناس بتهيص قوى قالولهم فية ايه
قالوله فى واحد بلدياتناعايز ينط من سطح العمارة
قالهم خلاص انا طالعلة...
طلعلة وقاله عايز تنتحر لية...
بلدياتنا قاله اصل انا غبى وكل الناس بتقول علي غبى
راح الراجل قايله هاقولك فزوره لو حلتها ماتبقاش غبى
حاجة اسمها زى شكلها
بلدياتنا : ماخبرش
الراجل:البيضة.. اقولك واحدة تانية
حاجتين اسمهم زى شكلهم
بلدياتنا :ماخبرش
الراجل: بيضتين.. اقولك واحدة تانية بسيطه و سهله
حاجة كبيرة وسودة وبتجيب لبن واسمها جموسة
بلدياتنا 3 بيضات
راح الراجل ماسكه وراميه
================================================== ======
امرة واحد مسطول جه يخرج من العربية لقى الدنيا بتمطر راح خارج من الباب التانى
================================================== ======
جماعه صعايده عايزين يتروشنوا كتبوا على النبوت اديـــــداس
================================================== ======
واحد مسطول راح مطعم وقال لصاحب المطعم :- عايز سندوتش طعمية من غير سلطة..
صاحب المطعم :- كمان مسطول....عايزهامن غير سلطة إيه؟؟
قال له : من غير سلطة قوطة
صاحب المطعم :- ماعنديش سلطة قوطة اعمله من غير سلطة طحينة؟؟؟
================================================== ======
واحد انجليزى و واحد فرنساوى و واحد صينى راحو يجربو صدى الصوت الانجليزى قال هاللو فرد عليه صدى الصوت و قال هالوووو الفرنساوى قال بنجور رد عليه صدى الصوت و قال بنجوووور الصينى قال شونجا كونجا هونجاهى فرد عليه صدى الصوت و قال بتقول ايييييييه
================================================== ======
دكتور عيون قاعد مع خطيبته في حديقه الاسماك معاه ورده قالها شايفه الورده دي
يا حبيبتي قالت له ايوه فرجع ايده لورا شويه وقالها طب وكده
================================================== ======
واحد سكران كان بيعاكس وحدة وحشة اوي بالليل فكان بيقول لها يا وحشة يا وحشة راحت ملتفتة ليه وقالت له يا سكران راح قايل لها طب انا سكران حفوء بكرة وانتي
================================================== ======
مرة واحد متجوز عنده دولاب قافلة 20 سنة والمفتاح معاه هوه بس, مراته هتجنن
وفي يوم راح الشغل ونسي المفتاح. مراته فتحت الدولاب لقت 20 الف جنيه وبيضتين.
لما رجع سالته ايه حكاية البيضتين قالها بصراحه كنت كل ماخونك أحط بيض في الدولاب
الست قالت عشرين سنه جواز ومرتين بس مش مهم وسالته طب والعشرين الف جنيه
قالها كنت كل ماجمع كرتونه ابيعها
================================================== ======`
قردين واحد حظه حلو و التانى حظه وحش قاعدين مع بعض فى الغابه وجعانين أوى
فاللى حظه حلو بيقول للى حظه وحش أنا اعرف مكان شجرة موز وهم فى مزرعة واحد
تعالى نروح ناكل منها قاله ماشى..لما وصلوا فاللى حظه حلو قال للى حظه وحش
استنا انت هنا انا هاطلع اهزلك الشجره من فوق وانت لم الموز ماشى ,ماشى و طلع
هز والموز وقع فالقرد اللى حظه وحش مسك أول موزه ولسه بيقشرها جه صاحب المزرعه
راح ماسكه رازعه حتة علقه وهربوا ,,جم تانى يوم هايموتوا من الجوع قالوا
مابدهاش بئه راحوا وطلع اللى حظه حلو فوق وهز الشجره واللى حظه وحش تحت مسك اول
موزه جه صاحب المزرعه راح ماسكه مبهدله وهربوا جه تالت يوم قاعين موحوحين قالوا
ياروح مابعدك روح راحوا عالشجره فالمره دى اللى حظه وحش قال للى حظه حلو استنا
انت هنا النهارده وانا هاطلع فوق ماشى,ماشى وطلع فعلا وجه صاحب المزرعة هو
وابنه فابنه مسك اللى حظه حلو فابوه قاله لأ سيبه دانا ضربه يومين ورا بعض
هاتلى ابن اللذين اللى فوق ده….............
================================================== ======
بقرة جالها جفاف نزلت لبن بودرة
================================================== ======
واحد طويل شرب لبن مات ليه؟ عشان صلاحيتة انتهت قبل ما يوصل بطنه
================================================== ======
فرخة اتجوزت فيل خلفوا تشكين فيليه
================================================== ======
جنية بيجرى فى الشارع لية؟ صدقة جارية
================================================== ======
لية الديك عندة زكام ؟علشان متجوز فرخة مجمدة
================================================== ======
الفراعنة بيقولوا اية بعد الصلاة ؟هرماً هرماً
================================================== ======
واحد أحول بدل ما يعيط ريل
================================================== ======
لية سندوش هامبورجرلابس بابمبرز ؟ عشان وجبة أطفال
================================================== ======
فرخة باضت بيضة من غير قشره عشان مستحمية بهيد اند شولدز
================================================== ======
واحدة بابها مات ما بكتش لية علشان استحمت بشامبو لا دموع بعد اليوم
================================================== ======
همبورجر وبيبسى و بطاطس بيجروا فى الشارع لية؟ عشان وجبات سريعة
================================================== ======
نمل بيلعبوا كرة معاهم صرصار فى الفريق لية ؟لاعب أجنبى
================================================== ======
واحد مسمينة منشف ريق البنات لية ؟عشان كل ما يشفوا يتفوا عليه
================================================== ======
الشمس غابت فى الكويت شهر ليه؟ نييل شعيل ناشر البنطلون
================================================== ======
سئل المعلم التلميذ ما هو الحيوان الذى يصحيك كى تصلى الفجر فرد أبوى
================================================== ======
واحدة لبست بكينى فى رمضان لية؟عشان مشروع أفطار صائم
================================================== ======
ابن بيسأل مامته "وهى حامل" انتي مالك تخينة النهاردة كده ليه ؟؟؟
قالت له : عيب متقولش كده يا ولد ، ده اخوك الصغير ....
تانى يوم الولد راح المدرسة فالمدرس سأله :عندك اخوات؟؟ قاله : ايوة ... بس ماما بلعته .
واحد .. كان مسافر امريكا 3 شهور - أصحابه قلوله ياخد معاه 3 زلع مش,
عشان الأكل هناك مش حلال. "بس ابقى سمي قبل ما تاكل لا الشطان ياكل معاك!!"
في أول شهر أكل اول زلعة و نسي يسمي.
في تاني شهر برده نسي يسمي.
تالت شهر طلع له الشيطان يقول له:
"ابوس ايدك سمي صدري اتحرق"
================================================== ======
مرة واحد كل لما يعدى من شارع يشوف واحد بيشرب سجارتين فساله : ليه كل لما اعدى من هنا اشوفك بتشرب سجارتين؟ قاله: اصل انا كان ليه واحد صاحبى متعودين انو احنا نشرب سجاير هنا وصاحبى ده سافر فانا بشربلى وبشربله..
بعدها بفترة صاحبنا ده عدا شافه بيشرب سجارة واحده
فقاله :- انت بتشرب سجارة واحده ليه؟
قاله :- اصل انا بطلت سجاير
================================================== ==========
واحد سكران قاعد بيشرب خمرة وعنده بغبغان
كل شويه البغبغان يقوله :- هات كاس
يقوله :- اقعد ساكت هنتفلك ريشك
البغبغان يقوله :- هات كاس يقوله اقعد ساكت هنتفلك ريشك
جرس الباب رن قام يفتح فالبغبغان مسك الازازه شربها
فلما المسطول رجع
قاله :- ايه ده ؟
قام البغبغان قاله :- شربت الازازه وادى الريش اللى انت قارفنى بيه أهو..
================================================== ==========
سأل صعيدي راعي غنم :- اذا قلت لك عن عدد غنمك بنظرة واحدة ماذا تعطيني؟
فرد الراعي :- اعطيك غنمة
فقال الصعيدي :- غنماتك عشرة
فقال الراعي :- صحيح خذ غنمة
فحمل الصعيدي مكسبه واكمل سيره
فناداه الراعي صائحأ :- اذا عرفت انا بلدك ماذا تعطيني؟
فاجاب :- أعيد لك الغنمة
فقال الراعي : انت صعيدي
فرد : كيف عرفت؟
فقال : لأنك أخذت الكلب
================================================== ==========
واحد صعيدي جاله تليفون من البلد بيقوله يا صميدة امك وابوك ومراتك وأولادك كلهم ماتوا
صاحبنا سمع الخبر وقال العيشة ملهاش لزمة وراح طالع فوق عمارة 30 دور ورمى نفسه
بين الدور 30 و20 قال:- الله انا امي وابويه ماتوا من زمان
بين الدور20 و10 قال الله انا مش متجوز
قبل مايقع على الأرض قال :- يابوووي انا مش اسمي صميدة
================================================== ==========
كل يوم النمر ينزل في الأرنب ضرب
و يقول له :- إنت ودانك طويلة ليه؟
اشتكى الأرنب للأسد و قال له على تصرفات النمر معاه
الأسد قال للنمر :- يا أخي إتلكك للأرنب بطريقة أحسن من كده قول له هات لى جزر
إذا جاب لك جزر لونه أصفر إضربه
و قول له أنا عاوز جزر أحمر
و إذا جاب لك جزر أحمر إضربه
و قول له أنا عاوز جزر أصفر
فقال النمر للأرنب :- أنا عاوز جزر
فقال له الأرنب :- عاوز الجزر أصفر و لا أحمر
النمر نزل في الأرنب ضرب
و قال له :- إنت ودانك طويلة ليه
================================================== ==========
بلدياتنا اشترى عشر حمير ركب واحد ومشى يعد فى الباقى
كل ما يعد يلاقيهم 9ينزل من على الحمار يلاقيهم 10فضل ماشى على رجلة طول الطريق
================================================== ==========
واحد صعيدي بنى جامع لقى الناس بتجيه كتير قـلـبه مـطـعـم
================================================== ==========
اثنين مساطيل واحد قال للثانى :- تعرف بيعملوا ايه فى اوروبا لما المطر بيمطر؟
قاله :- لأ معرفش
قال له :- بيسبوها تمطر
================================================== ==========
اتنين مساجين اتفقوا يكسروا باب السجن ويقتلوا الحارس ويهربوا
كسروا باب السجن ملقوش الحارس قعدوا يستنوه
================================================== ==========
صعيدي راح ينشر خبر فى الاهرام ملقاش حبل
وبهذا ننتهى مع السلامة اترككم فى رعاية الله
مودتى وتقديرى ويارب النكت تحوذ على اعجابكم ورضاكم
اخيكم فى الله
نــــــــــــــــــــور
